პირველ რიგში, დავწერ რა პროდუქტებია სამარხვო და რა არა: ზოგადად მარხვის დროს არ შეიძლება ხორცეული (ნებისმიერი სახის), თევზეული, რძის ნაწარმი და კვერცხი.
გამონაკლისია საშობაო და პეტრე-პავლობის მარხვა, რომელთა დროს დაშვებულია თევზის მიღება, ოთხშაბათისა და პარასკევის
გარდა. შობის მარხვის დროს კი თევზი დაშვებულია ამ წესით მხოლოდ 25 დეკემბრამდე.
გუშინ გავაკეთე საკამოდ ცნობილი კერძი, რომელიც იმ 100 გვერდს გადამცდარ თემაში არაერთხელ დაწერილა, მარა აქაც დავწერ, რაღაცით ხომ უნდა დავიწყოთ
ყვავილოვანი კომბოსტო მაიონეზის სოუსით
ერთი საშუალო თავი ყვავილოვანო კომბოსტო დაშალეთ ყვავილედებად და მდუღარე მარილწყალში მოწალეთ. მერე კი ზეთიან ტაფაზე მოშუშეთ. შემდეგ სანამ კონბოსტო გაგრილდება, მოამზადეთ ასეთი სოუსი: 2 პაკეტი სამარხვო მაიონეზი გაათხელეთ ანადუღარი წყლით და შეაზავეთ სუნელებით (ხარჩოს სუნელი, ყვითელი ყვავილი, უცხო სუნელი, ცოტა ხმელი ქინძი, სვანური მარილი). ბოლოს კი ამ სოუსში ჩააწყვეთ მოშუშული კომბოსტოები, დაახურეთ თავზე და შედგით მაცივარში 2 საათით მაინც, რომ სუნელები კარგად გაუჯდეს.
სულ ესაა