ნავთობის ფასი მსოფლიო ბაზრებზე ოთხშაბათს აშშ-ის საცავებში საწვავის მარაგის გაზრდასთან დაკავშირებით შემცირდა, იუწყება სააგენტო ”ასოშიეითიდ პრესი”.

თებერვლის ფიუჩერსების ფასი Brent Crude Oil ჩრდილოეთის ზღვის ნავთობის ნარევზე ლონდონის ბირჟაზე IÑE (InterContinental Exchange Futures) ვაჭრობის შედეგად 1,17 დოლარით შემცირდა და ერთი ბარელის ფასმა 94,37 დოლარი შეადგინა.

ნიუ-იორკის ბირჟაზე NYMEÕ (New York Merchantile Exchange) თებერვლის ფიუჩერსების ფასი ამერიკულ მსუბუქ ნავთობზე Light Sweet Crude Oil 0,66 დოლარით შემცირდა და ერთი ბარელის ღირებულებამ 95,67 დოლარი შეადგინა. -0-

2008 წლიდან გამოთანაბრებული ტრანსფერის გამოანგარიშების ახალი მეთოდოლოგია ამოქმედდება, ამის შესახებ ექსპერტმა ეკონომიკის საკითხებში დავით ნარმანიამ განაცხადა. ნარმანიას განმარტებით, 2007 წლამდე საქართველოში გამოთანაბრებითი ტრანსფერის ფორმულა არ არსებობდა, რის გამოც ადრინდელი რაიონები, ძირითადად, სუბიექტური გადაწყვეტილებების და ფინანსთა სამინისტროსთან შეთანხმების საფუძველზე იღებდნენ ტრანსფერს. "ეს რაიონების მასშტაბით ართანაბარ დამოკიდებულებას და ერთ სულ მოსახლეზე შემოსავლების განსხვავებულ მაჩვენებლებს იწვევდა, ანუ რეალური გამოთანაბრება ქვეყანაში არ ხორციელდებოდა. 2007 წლის 1 იანვრიდან, თვითმმართველობის სისტემის რეფორმირების შემდეგ, ძალაში შევიდა გამოთანაბრებითი ტრანსფერის ფორმულა, თუმცა ის 2007 წლისთვის გამოყენებული ვერ იქნა, თანაც ხარვეზებს შეიცავდა, რის გამოც დღის წესრიგში დადგა მისი შეცვლის აუცილებლობა. მისი მთავარი ხარვეზები კოეფიციენტების სიმცირე და რთულად დათვლადი კოეფიციენტების არსებობა იყო პოტენციური შემოსულობების სახით,” - განაცხადა ნარმანიამ. ექსპერტი განმარტავს, რომ დღის წესრიგში ახალი ფორმულის შემუშავება დადგა და საქართველოს ფინანსთა სამინისტროში მომზადდა კიდეც. "ახალი მეთდოლოგია 2008 წლის სახელმწიფო ბიუჯეტთან ერთად პარლამენტმა უნდა დაამტკიცოს. თუმცა ბიუჯეტის დამტკიცებაში შეფერხებები და ტრანსფერის ახალი ფორმულის დაგვიანება შესაძლოა ნეგატიურად აისახოს თვითმმართველობებზე, რადგანაც მათი უმეტესობა ჯერ არც იცნობს ტრანსფერის ახალ, ძველთან შედარებით რთულ ფორმულას. ცალსახად შეიძლება ითქვას, რომ ახალი ფორმულა ძველთან შედარებით პროგრესულია, თუმცა მისი დახვეწა და გამარტივება მიზანშეუწონელი ნამდვილად არ იქნებოდა,” - აცხადებს ნარმანია ჯი-ეიჩ-ენი

წლიური ათვლით, ნოემბრიდან ნოემბრამდე ჩინეთში ინფლაციის მაჩვენებელმა 6,9 პროცენტი შეადგინა, რაც უკანასკნელი 11 წლის განმავლობაში დაფიქსირებული სარეკორდო მაჩვენებელია. ამის ჟირითადი მიზეზი კვების პროდუქტების გაძვირებაა. გარდა ამისა, ინფლაციის მატებას ხელს უწყობს ნავთობსა და ნახშირზე ფასის ზრდა. ამ მონაცემების გამოქვეყნების შემდეგ ჩინეთის მთავრობამ 2008 წელი ინფლაციასთან ბრძოლის წლად გამოაცხადა. ამისათვის ჩინეთი მზად არის, პირველად ათი წლის განმავლობაში, მონეტარული პოლიტიკა შეცვალოს. კერძოდ, ჩინეთის მთავრობა 2008 წლიდან ე.წ. "ძვირი ფულის პოლიტიკას” გაატარებს. ინფლაციის ზრდის ტემპის შესანელებლად ჩინეთის ცენტრალურმა ბანკმა რეფინანსირების განაკვეთი 2007 წლის განმავლობაში ხუთჯერ გაზარდა, თუმცა ამით სათანადო ეფექტი ვერ მიიღო. შეგახსენებთ, რომ 2007 წელს ინფლაცია მთელს მსოფლიოს მოედო. მაგალითად, ევროზონაში ინფლაციის ზრდის ტემპმა ექვსწლიან მაქსიმუმს მიაღწია.

ექსპერტთა აზრით, აშშ სავარაუდოდ რეცესიას თავიდან აიცილებს, მაგრამ საკრედიტო ბაზრებზე არსებული პრობლემები მსოფლიოს უდიდეს ეკონომიკაზე ნეგატიურად აისახება. კერძოდ, გამოკვლევების შედეგებმა აჩვენა, რომ წელს საკრედიტო ბაზარზე აგვისტოში დაფიქსირებული კრიზისი მომავალ, 2008 წელს აშშ-ს ეკონომიკურ ვარდნას მოუტანს. აღსანიშნავია, რომ ზოგიერთი ანალიტიკოსის აზრით, აშშ-ს ეკონომიკის რეცესიის შესაძლებლობა კვლავ არსებობს. მათი აზრით, ამის თავიდან აცილება ფედერალურ სარეზერვო ფონდს შეუძლია. ისინი იმედოვნებენ, რომ ფედერალური სარეზერვო ფონდი ძირითად საპროცენტო განაკვეთს 3,5 პროცენტამდე შეამცირებს. როგორც ცნობილია, გუშინ განაკვეთი მხოლოდ 0,25 პროცენტით, 4,25 პროცენტამდე შემცირდა, რასაც ექსპერტები არადამაკმაყოფილებლად მიიჩნევენ.

თბილისი, 11 იანვარი /"ახალი ამბები - საქართველო"/. საქართველოს ფინანსთა სამინისტროს შემოსავლების სამსახურის მონაცემებით, საქართველოს სახელმწიფო ბიუჯეტში შესულმა იმპორტირებული ნავთობპროდუქტების გადასახადების შემოსავალმა 2007 წელს 362 486,320 ათასი ლარი შეადგინა. ამის შესახებ "ახალი ამბები - საქართველოს" საქართველოს ფინანსთა სამინისტროში აცნობეს.

2006 წელს იმპორტირებული ნავთობპროდუქტებიდან მობილიზებულმა თანხამ 295 185,610 ლარი შეადგინა.

2007 წელს ბენზინის იმპორტისგან გადასახადების სახით მიღებული იყო 195 735,581 ათასი ლარი, ნავთის იმპორტიდან ბიუჯეტში მობილიზებული იყო 20 702,575 ათასი ლარი, ხოლო დიზელის საწვავის იმპორტიდან - 127 619,404 ათასი ლარი.

მაზუთის იმპორტიდან ბიუჯეტში შევიდა 1 112 711 ლარი, საპოხი ზეთის იმპორტიდან - 12 000, 397 ათასი ლარი, თხევადი გაზის იმპორტიდან მობილიზებული იყო 5 315, 652 ათასი ლარი.

შენც შეგიძლია დადო ინფორმაციები.